មជ្ឈមណ្ឌលភ្នែក

ភ្នែកគឺជាសរីរាង្គដែលផ្តល់ចក្ខុវិស័យ និងជាមធ្យោបាយដ៏សំខាន់បំផុតមួយដែលយើងទាក់ទងគ្នាទៅវិញទៅមក។ វាផ្តល់នូវទំនាក់ទំនងរវាងពិភពខាងក្រៅ និងរាងកាយរបស់យើង។ ភ្នែកមានភាពរសើប ហើយបើគ្មានការថែទាំ និងការការពារត្រឹមត្រូវ ផលវិបាកអាចកើតមាន ដែលអាចនាំឱ្យបាត់បង់ការមើលឃើញ។ ជាសំណាងល្អ ភាពជឿនលឿននៃបច្ចេកវិជ្ជា និងការព្យាបាលបញ្ហាភ្នែកមានច្រើនណាស់ក្នុងការព្យាបាលជំងឺភ្នែក។

នៅមជ្ឈមណ្ឌលភ្នែកនៃមន្ទីរពេទ្យបាងកក យើងផ្តល់ជូននូវជម្រើសការពិនិត្យ ការព្យាបាល និងការវះកាត់ពេញលេញ ដោយប្រើប្រាស់បច្ចេកវិទ្យាទំនើបៗដូចជា កាមេរ៉ាកែវភ្នែកឌីជីថល មីក្រូទស្សន៍ឯកទេសថាមពលទាបដែលថតរូបផ្ទៃខាងក្នុងនៃភ្នែក និងការ​ជួសជុល​ផ្នែក​ចុង​នៃ​ត្របកភ្នែក​ដែល​មានមុខរបួសតូច និង​ជួសជុល​ជំងឺដក់ទឹកក្នុងភ្នែក។

សេវាកម្មរួមមានការធ្វើតេស្តការមើលឃើញដើម្បីវាយតម្លៃភ្នែក ការវះកាត់ភ្នែកចំណាំងផ្លាតដើម្បីលុបបំបាត់តម្រូវការសម្រាប់ការកែតម្រូវកែវភ្នែក ការធ្វើតេស្តការមើលឃើញ និងការវាស់សម្ពាធក្នុងសរសៃឈាមដើម្បីរកមើលជំងឺដក់ទឹកក្នុងភ្នែក​ និងការព្យាបាលកម្រិតខ្ពស់សម្រាប់លក្ខខណ្ឌជាច្រើនរួមទាំងជំងឺភ្នែកទឹកនោមផ្អែម ជំងឺដក់ទឹកក្នុងភ្នែក និងជំងឺភ្នែកឡើងបាយ។

មជ្ឈមណ្ឌលនេះមានគ្លីនិកឯកទេសចំនួន 5៖

• គ្លីនិកភ្នែក (Cornea Clinic)
• គ្លីនិកកែត្របកភ្នែក (Oculoplastic Clinic)
• គ្លីនិកភ្នែកចល័ត (Mobile Eye Clinic)
• គ្លីនីកជំងឺដក់ទឹកក្នុងភ្នែក​ (Glaucoma Clinic)
• គ្លីនិកឡេសិក (Lasik Clinic)

ការព្យាបាលនៅមជ្ឈមណ្ឌលភ្នែក

វិធីវះកាត់ភ្នែកត្រូវបានបែងចែកជាពីរផ្នែក៖

• ការកែត្របកភ្នែក (Oculoplastic) រួមបញ្ចូលនូវដំណើរការវះកាត់កែឆ្នៃនៃភ្នែកជាច្រើន រួមទាំងត្របកភ្នែកដែលស្រពោន និងថង់យារ រោមភ្នែកទាល់ ភាពមិនដំណើរការនៃប្រព័ន្ធបង្ហូរទឹកភ្នែក និងការបាក់ឆ្អឹងនៃរន្ធភ្នែក (គន្លង) និងផលវិបាក។
• ការវះកាត់ភ្នែក (Refractive Eye Surgery) ពាក់ព័ន្ធនឹងការកែបញ្ហាភ្នែកតាំងពីកម្រិតស្រាល និង មធ្យម ហើយអាចកាត់បន្ថយ ឬព្យាបាលបញ្ហានៃការមើលឃើញទូទៅដូចជា ការមើលឃើញជិត ការមើលឃើញឆ្ងាយ និង ខ្សែភ្នែកផ្អៀង (Astigmatism)។ ឡេសិក (Lasik) គឺជាវិធីសាស្រ្តមួយនៃការវះកាត់ចំណាំងផ្លាត ដើម្បីកែលម្អការមើលឃើញដែលក្នុងនោះ ឡាស៊ែរត្រូវបានប្រើដើម្បីកែទម្រង់ជ្រុងភ្នែកឡើងវិញ ហើយឧបករណ៍វះកាត់ដែលមានភាពជាក់លាក់ជាមួយនឹងការរំញ័រនៃកាំបិតត្រូវបានប្រើដើម្បីបង្កើតជញ្ជាំងកញ្ចក់ភ្នែក។ អ្នកជំងឺភាគច្រើនដែលទទួលការវះកាត់ Lasik លែងត្រូវការវ៉ែនតាម៉ាញូប ឬខនថែកឡែនទៀតហើយ។
• ការវះកាត់យកភ្នែកឡើងបាយកម្រិតខ្ពស់ (Advanced Cataract Extraction Surgery)៖ ជំងឺភ្នែកឡើងបាយគឺជាញឹកញាប់កើតឡើងលើមនុស្សចាស់។  វាអាចព្យាបាលបានដោយប្រើវិធីព្យាបាលមួយហៅថាការបំបែកសារធាតុ (Phacoemulsification)។ ជំងឺភ្នែកឡើងបាយត្រូវបានបំបែកដោយរលកសំឡេង ហើយកញ្ចក់សិប្បនិម្មិតត្រូវបានផ្សាំដើម្បីបង្កើនថាមពលចំណាំងបែររបស់ភ្នែក។